სახელმწიფო უსაფრთხოების სამსახურის მიერ ქავათარაძეზე სპეცოპერაციისას დაკავებული პირი რუსეთის მოქალაქე, ვასამბეგ ბოკოვია. ინფორმაციას „რუსთავი2“ ავრცელებს.
დაკავებულს, რომელიც აჰმედის სახელითაა ცნობილი, საკუთარ ვინაობას და საქმიანობას მალავდა. მას სასამართლომ აღკვეთის ღონისძიების სახით პატიმრობა შეუფარდა.
დაკავებულის უფლებადამცველი ნინო მიქატაძე არ ადასტურებს გავრცელებულ ინფორმაციას იმასთან დაკავშირებით, რომ ვასამბეგ ბოკოვის დაკავება სხვა ქვეყნის მოთხოვნით მოხდა.
„ბრალდების მხარემ აღკვეთის ღონისძიების შეფარდების შესახებ სასამართლოს უკვე მიმართა და ბრალდებულის პირველი სასამართლო სხდომა დღეს გაიმართება. ბრალდების მიერ მოთხოვნილი აღკვეთის ღონისძიების სახე გახლავთ დაპატიმრება“, – აღნიშნა ადვოკატმა.
შეგახსენებთ, 5 ივნისს სახელმწიფო უსაფრთხოების სამსახურმა, თბილისში, ქავთარაძის ქუჩაზე, ჩეჩენი ეროვნების მამაკაცი დააკავა.
მოგვიანებით, სამართალდამცავებმა, პანკისის ხეობის უხუცესის, ხასო ხანგოშვილის სახლი გაჩხრიკეს.
„პრაიმტაიმის“ ინფორმაციით, სახლიდან არაფერია ამოღებული.
