ყაზახეთმა სიკვდილით დასჯა ოფიციალურად გააუქმა. როგორც ყაზახეთის საგარეო საქმეთა სამინისტროში განაცხადეს, ყაზახეთი ადამიანის სამოქალაქო და პოლიტიკურ უფლებათა საერთაშორისო პაქტის მეორე ფაკულტატურ პროტოკოლს შეუერთდა.

სიკვდილით დასჯის გაუქმების შესახებ საერთაშორისო დოკუმენტის ხელმოწერის გეგმის შესახებ მანამდე ყაზახეთის პრეზიდენტმა კასიმ-ჟომარტ ტოკაევმა გაერო-ს გენერალური ასამბლეისადმი მიმართვისას განაცხადა.

ცნობისთვის, ყაზახეთში 2003 წელს სიკვდილით დასჯაზე უვადო მორატორიუმი გამოცხადდა.