ყველა მოდის გამოსავლის პოვნის რეალური სურვილით, რაც საქართველოს საუკეთესო ინტერესებშია, – ამის შესახებ ჟურნალისტებთან საუბრისას საქართველოში აშშ-ის ელჩმა, კელი დეგნანმა ოპოზიციურ პარტიებთან შეხვედრების შესახებ განაცხადა.
ელჩის თქმით, ყველა პარტიას მოუწევს კომპრომისზე წასვლა, რადგან საქართველოს ინტერესები ყველაზე მთავარია.
„ყველა პარტიას მოუწევს კომპრომისზე წასვლა იმისთვის, რომ გამოსავალი მოიძებნოს. არის რეალური გაგება, რომ საქართველოს ინტერესები ყველაზე მთავარია“, – განაცხადაკელი დეგნანმა.
დღეს, 20 ნოემბერს ევროკავშირის ელჩის კარლ ჰარცელის რეზიდენციაში, ჰარცელი და ამერიკის ელჩი კელი დეგნანი მთელი დღის განმავლობაში ოპოზიციური პარტიების წარმომადგენლებს ინდივიდუალურად ხვდებოდნენ.
შეხვედრები ამ დროისთვის დასრულებულია.
