საქართველოს პრემიერ-მინისტრი, ირაკლი ღარიბაშვილი ამბობს, რომ კოვიდსტატისტიკა ოქტომბერში დასტაბილურდება.

ამის შესახებ პრემიერმა მთავრობის სხდომაზე განაცხადა.

„ბოლო დღეების განმავლობაში დასტაბილურდა სიტუაცია და სტაბილიზაციისკენ მიდის პროცესი, მაგრამ ჩვენ რ უნდა მოვეშვათ. ჯანდაცვის სისტემა ძალიან კარგად და მობილიზებულად მუშობს. მინდა მადლობა გადავუხადო ყველა ექიმს. ჩვენ არც ერთი მოქალაქე არ უნდა დაგვრჩეს ზრუნვის გარეშე.

გამოსავალი არის აცრები. უახლოეს დღეში უკვე მილიონ მოქალაქეს ავცრით. ჩვენი მიზანი უნდა იყოს რომ სექტემბრის ბოლომდე 2 მილიონი ადამიანი იყოს აცრილი. ალბათ მილიონს უკვე გადატანილი ექნება, ჩვენი ექიმები და მეცნიერები ამბობენ, რომ შედარებით დასტაბილურდება სიტუაცია. ეს რამდენიმე კვირა დაგვრჩა რაც უნდა გავიტანოთ ყველამ ერთად. ოქტომბრიდან ყველა პროგნოზის მიხედვით დამშვიდდება სიტუაცია“,- განაცხადა ირაკლი ღარბაშვილმა.

ცნობისთვის, დღეს ქვეყანაში კორონავირუსთ კიდევ 1 915 ადამიანი დაინფიცირდა, ხოლო გარდაიცვალა 78. დადებითობის დღიური მაჩვენებელი  8.94%-ია.