“2012 წლიდან ეს არის გავრცელებული პრაქტიკა და რა გაგიკვირდათ?'”, – ასე ეხმიანება „შარლ მიშელის რეფორმების ჯგუფის“ წევრი გრიგოლ ვაშაძე პრემიერის მიერ გაკთებულ განცხადებას პანდემიის დროს გამოწერილი ჯარიმების გაუქმების თაობაზე.
„ჩვენ, როგორც სახელმწიფოს მოქალაქეებს ჭკუა, სინდისი და ზრუნვა გვაქვს ამ სახელმწიფოზე. ყველა უნდა მივიდეთ არჩევნებზე და მონაწილეობა მივიღოთ იმისათვის, რომ ეს ქვეყანა დაადგეს ნორმალური განვითარების გზას. ჩვენ თუ ასე გავაგრძელებთ, დარწმუნებული იყავით, რომ ის კრიზისი, რაც გვაქვს ეკონომიკაში, უსაფრთხოების კუთხით, საბავშვო ბაღად მოგვეჩვენება,“ – განაცხადა ვაშაძემ.
შეგახსენებთ, დღეს ცნობილი გახდა, რომ პანდემიის გამო, დაწესებული ჯარიმების გადასახადზე ამნისტია გამოცხადდა.
