უბედური შემთხვევის შედეგად ქობულეთში მამა-შვილი გარდაიცვალა. არსებული ინფორმაციით, შემთხვევა გუშინ საღამოს ქობულეთს შემოერთებულ ტერიტორიაზე ე.წ. მტს-ის დასახლებაში მოხდა.
გავრცელებული ინფორმაციით მამა-შვილი მეზობელს სახლის სახურავის გაკეთებაში ეხმარებოდნენ, რა დროსაც სიმაღლიდან გადავარდნენ.
საგანგებო სიტუაციების კოორდინაციისა და გადაუდებელი დახმარების ცენტრის ინფორმაციით, ადგილზე მისულ სასწრაფო-სამედიცინო დახმარების ბრიგადას ორივე გარდაცვლილი დახვდა.
„პრაიმტაიმნიუსი“ დეტალებს შინაგან საქმეთა სამინისტროში არკვევს.
ავტორი: ნაირა ქობულაძე
