ქრონიკული სლოკინის გამო ბრაზილიის პრეზიდენტი, ჟაირ ბოლსონარუ საავადმყოფოში გადაიყვანეს. ინფორმაციას ამის შესახებ BBC-ი ავრცელებს.
ჟაირ ბოლსონარუ საავადმყოფოში დაკვირვების ქვეშ 24-48 საათით დარჩება.
აღსანიშნავია, რომ 2018 წელს წინასაარჩევნო კამპანიის დროს ბოლსონარუ თავდასხმისას სერიოზულად დაშავდა და 40%-მდე სისხლი დაკარგა. მას რამდენიმე ქირურგიული ოპერაცია ჩაუტარდა. მედიკოსები ვარაუდობენ, რომ სლოკინი შესაძლოა, საყლაპავის გაღიზიანებით იყოს გამოწვეული, რაც სწორედ მუცლის ღრუზე ჩატარებულ ოპერაციებთან არის დაკავშირებული.
