ქუთაისში, ახალგაზრდა ქალის მკვლელობაში ბრალდებული ქალისთვის აღმკვეთის ღონისძიების შეფარდებაზე ქუთაისის საქალაქო სასამართლო დღეს იმსჯელებს.

45 წლის ქალს ბრალი გუშინ, 21 ივლისს წარედგინა.

18 ივლისს, გამსახურდიას ქუჩაზე 30 წლის ელისო ჩეჩელაშვილი თავის საცხოვრებელ სახლში დანით მოკლეს, მას 20-მდე სასიკვდილო ჭრილობა მიაყენეს. ქალი შველას ითხოვდა, თუმცა, როგორც მეზობლები ამბობენ, მათ რეაგირება დააგვიანეს.

მკვლელობიდან 24 საათში მკვლელობის ბრალდებით 45 წლის ქალი დააკავს, მოგვიანებით კი, კიდევ ორი პირი – დანაშაულის შეუტყობინებლობისთვის.

მომხდარზე საქმე სისხლის სამართლის 108-ე, მუხლით დაწყებული, რაც განზრახ მკვლელობას გულისხმობს, თუმცა, ბრალის წარდგინების შემდეგ მუხლი შეიცვალა.

ბრალდებულის სახაზინო ადვოკატი ესმა ნორაკიას თქმით, შეიცვალა მუხლი და მისი დაცვის ქვეშ მყოფს ბრალი 109-ე მუხლის მესამე ნაწილის ბ ქვეპუნქტით წარედგინა, რაც განზრახ მკვლელობის ჩადებას დამამძიმებელ გარემოებებში განსაკუთრებული სისასტიკით გულისხმობს.