ქუთაისის 59 საოლქო საარჩევნო კომისიამ 130-ვე უბნის ხმა დათვალა. ამ წუთებში ოლქების მონაცემების დაჯამება მიმდინარეობს და პარალელურად ცესკოს გვერდზე იტვირთება.

წინასწარი მონაცემებით, პარტია „ქართულმა ოცნებამ“ – 41,58%, ხოლო „ნაციონალურმა მოძრაობამ“ – 29,72 პროცენტი აიღო.

ამასთან, სხვა პარტიების მონაცემები ასეთია: გიორგი ვაშაძე – სტრატეგია აღმაშენებელი 6,65%, „ევროპული საქართველო“ – 3,81, „გირჩი“ – 3,09; „ლელო“ – 2,99%, „პატრიოტთა ალიანსი“ – 2,52%;  „ალეკო ელისაშვილი მოქალაქეები“ – 1,17%.

რაც შეეხება მაჟორიტარებს, ამ მონაცემებით ქუთაისში მეორე ტური იქნება. „ქართული ოცნების“ მაჟორიტარობის კანდიდატმა ზაზა ლომინაძემ 40,51%, ხოლო გრიგოლ ვაშაძემ 36,14 % აიღო.

რაც შეეხება მერობის კანდიდატებს, მათ შორის ხმები ასე გადანაწილდა – „ქართული ოცნებიდან“ იოსებ ხახალეიშვილმა 46,10% აიღო, გრიგოლ შუშანიამ კი 31,47%.

ავტორი: კესო მოლაშხია