სასოფლო-სამეურნეო საქმიანობა საქართველოსთვის საუკუნეების მანძილზე მთავარი საქმიანობა გახლდათ, რაც ქვეყნის დამახასიათებელ თვისებადაც იქცა. ინტერესი ამ სფეროს მიმართ ყოველთვის მაღალი იყო, ადამიანები ყოველთვის ცდილობდნენ თავიანთი თავი სწორედ ამ მიმართულებით ეპოვნათ. ეს ფაქტი არც თანამედროვეობაში შეცვლილა და მუდმივად იზრდება იმ ადამიანების რიცხვი, ვინც დაინტერესებულია ან უკვე ჩაერთო ამ სფეროში. ტექნოლოგიური პროგრესი ამ სფეროს მნიშვნელოვნად დაეტყო, ადამიანები სულ უფრო მეტად ცდილობენ საქმიანობა ავტომატიზირებული გახადონ, აითვისონ სიახლეები და დანერგონ სიახლეები, რაც მოგებას ერთი-ორად ზრდის. მეორე მხრივ, სწორედ ტექნოლოგიურმა პროგრესმა მისცა ბევრ ადამიანს მოტივაცია ამ სფეროში ჩართულიყვნენ.
ახალი საქმიანობის დაწყება ყოველთვის უამრავ გამოწვევასთანაა დაკავშირებული, რაც თავის მხრივ სხვადასხვა რისკების შეფასებასა და სწორი გადაწყვეტილებების მიღებას გულისხმობს. გამომდინარე იქიდან, რომ აგრო სფერო გამორჩეული სფეროა იმით, რომ მოგება ხასიათდება პერიოდულობით, ხოლო მისი მიღება მაშინვე არ არის შესაძლებელი, ამ სფეროში თანხის ჩადება ერთგვარი რისკია, რომლისთვისაც ყველა დამწყები უნდა იყოს მზად. ამასთან ერთად, შეიძლება შესაბამისი რაოდენობის თანხა არ გქონდეთ, ან გაუთვალისწინებელი შემთხვევისთვის არ იყოთ მზად ფინანსურად. ყოველშემთხვევაში თუ ფინანსები გჭირდებათ, არსებობს ალტერნატივები, რომელთაგან ყველაზე კარგია აგრო კრედიტი, რომელიც მაქსიმალურადაა მორგებული მომხმარებელზე.
რა არის აგრო კრედიტი?
აგრობიზნეს სესხი სასოფლო-სამეურნეო სფეროზე მაქსიმალურად მორგებული კრედიტია, რომელიც გაიცემა მხოლოდ ამ სფეროში ჩართული ადამიანებზე. მისი მიზნობრიობიდან გამომდინარე, სესხის აღება მხოლოდ ისეთ ადამიანებს შეუძლიათ, ვინც ამ სფეროში უკვე არსებული ბიზნესის განსავითარებლად ან ახლის დასაწყებად გამოიყენებს ამ რესურსს. აგრო კრედიტის აღება შეგიძლიათ იმ შემთხვევებში, თუ გადაწყვეტილი გაქვთ ნედლეულის შეძენა, სათბურის გაკეთება, საქონლის შეძენა, საქონლის შეძენა, უკვე არსებული საქმიანობისთვის კონკრეტული ტექნიკის შეძენა, განახლება ან ნებისმიერი ისეთი საქმიანობა, რომელიც დაკავშირებულია ამ სფეროსთან.
უპირატესობები
აგრო სესხი მაქსიმალურად მორგებული კრედიტია სასოფლო და სამეურნეო სფეროზე, მისი მთავარი უპირატესობა კი გადახდის მოქნილი გრაფიკი და მისაღები საპროცენტი პირობებია. ასეთი სახის კრედიტის აღებისას პირველი გადახდა მოგიწევთ მხოლოდ და მხოლოდ მაშინ, როდესაც მოსავალს პირველად აიღებთ, ანუ გრაფიკი არ დგება პირველივე თვიდან, რადგან საფინანსო ორგანიზაცეიბს ესმით, რომ ფულადი ინვესტიცია გათვლილია გრძელ ვადაზე, რომლის მოგება განსაზღვრული პერიოდის მერე დგება.
პირობები
აგრო ბიზნეს სესხი გაიცემა მხოლოდ საქართველოს სრულწლოვან მოქალაქეებზე, ვისაც უკვე შეუსრულდა მინიმუმ 18 წელი. სესხის მისაღებად აუცილებელია ჩართული იყოს ან აპირებდეს ჩართვას აგრო სფეროში. სხვადასხვა ბანკებსა თუ სასესხო ორგანიზაციებში პირობები განსხვავდება, ამიტომ აჯობებს ალტერნატივები განიხილოთ და საუკეთესო ვარიანტი აირჩიოთ. აუცილებელია ბიზნეს გეგმა მაქსიმალური სიზუსტით იყოს გაწერილი და გათვლილი იყოს რისკები, დანახარჯები და სავარაუდო მოგება, რადგან სასესხო განაცხადის განხილვისას ყველაზე დიდი მნიშვნელობა ენიჭება ბიზნეს გეგმას.
პროცედურა
სესხის აღების პროცედურა მაქსიმალურად გამარტივებულია. განაცხადის შევსება შესაძლებელია როგორც ონლაინ, სასურველი ბანკის ვებ-გვერდზევე, ასევე ფილიალში ვიზიტისას. განაცხადის შევსების შემდგომ, უშუალოდ სპეციალესტებთან მოგიწევთ კომუნიკაცია, ბოლოს კი ოფისში მისვლით საბოლოოდ დააზუსტებთ შეთანხმების ყველა ნაწილს.
(R)
