ტერმინი აგრო კრედიტი აღნიშნავს სასოფლო-სამეურნეო ტრანზაქციების დასაფინანსებლად გამოყენებული რამდენიმე საკრედიტო მექანიზმიდან ერთ-ერთს. ეს მექანიზმი მოიცავს:
- სესხებს,
- კუპიურებს,
- ვალუტას.
ამ ტიპის დაფინანსება სპეციალურად ადაპტირებულია ფერმერების სპეციფიკურ ფინანსურ საჭიროებებზე და საშუალებას აძლევს უზრუნველყონ ფერმა აღჭურვილობით, დარგონ მოსავალი, გააკეთონ მარკეტინგი და გამოიყენონ თანხა სხვა დეტალებისთვის, რაც აუცილებელია მათი მეურნეობის შესანარჩუნებლად.
თუ ფერმერს არ სურს დიდი თანხის სესხად აღება, მას ასევე შეუძლია, აგრო განვადება გამოიყენოს. ამ ტიპის განვადება განკუთვნილია მათთვის, ვისაც სურს, განვადებით შეიძინოს სოფლის მეურნეობისთვის საჭირო შხამ ქიმიკატები, ტექნიკა და აგრო მასალები.
რატომ არის აგრიკულტურული კრედიტი და განვადება მნიშვნელოვანი როგორც ფერმერისთვის, ასევე სახელმწიფოსთვის?
სასოფლო-სამეურნეო კრედიტი, რომელსაც ასევე ხშირად მოიხსენიებენ, როგორც სოფლის მეურნეობის ფინანსებს, არის ეკონომიკის მნიშვნელოვანი კომპონენტი, განსაკუთრებით სახნავი მიწების მქონე ქვეყნებში, როგორც საქართველოა.
კრედიტი სასიცოცხლოდ მნიშვნელოვანია სასოფლო-სამეურნეო ბიზნესისთვის, რადგან ის ფერმერებს აძლევს წვდომას კაპიტალზე, რომელიც სხვაგვარად არ იქნებოდა მათთვის ხელმისაწვდომი. ეს ეხმარება მათ თესლებით, აღჭურვილობითა და მიწით უზრუნველყოფაში, რომელიც ფერმის წარმატებულად ფუნქციონირებისთვის აუცილებელია. სასოფლო-სამეურნეო საკრედიტო პროგრამები არა მხოლოდ ეხმარება ფერმერებს და სხვა სოფლის მეურნეობის მწარმოებლებს, არამედ ფინანსურად მხარს უჭერს ფერმას და სოფელში მაცხოვრებლებს.
აგრო კრედიტისა და განვადების პირობები ქართულ ბანკებში
მეურნეობა საქართველოში მნიშვნელოვანი დარგია, რომელსაც ქვეყნის ეკონომიკაში დიდი წვლილი შეაქვს. ამის გათვალისწინებით, ყველა ბანკი ცდილობს, რომ ფერმერებს კარგი აგრო-სესხის პირობები შეუქმნას. მაგალითად, “ქართუ ბანკის” აგრო სესხის პირობები ასეთია:
“ქართუ ბანკი” მიწათმოქმედებს შედარებით დაბალ საპროცენტო განაკვეთს სთავაზობს. აგრო კრედიტისა თუ განვადების დამტკიცება შესაძლებელია როგორც უძრავი, ასევე მოძრავი ქონებისთვის. სესხისთვის მინიმალური თანხა 40,000 დოლარია, ხოლო მაქსიმალური – 100,000 დოლარს შეადგენს.
“საქართველოს ბანკის” აგრო კრედიტის უპირატესობა გახლავთ, რომ ის ფერმერებს დაფარვის მოქნილ გრაფიკს სთავაზობს. კრედიტის დაბრუნება ფერმერის შემოსავალზეა დამოკიდებული. საშეღავათო პერიოდიც პერსონალურად თითოეული მსესხებლისთვის განისაზღვრება.
როგორ უნდა იპოვოს ფერმერმა საუკეთესო აგრო სესხის პირობები?
ყველა ბაკნი სესხის განსხვავებულ პირობებს გვთავაზობს. შესაბამისად, ფერმერის გადაწყვეტილება, თუ რომელი მათგანისგან ისესხოს, თავის მოთხოვნებზე და შესაძლებლობებზეა დამოკიდებული.
აუცილებელია, რომ ფერმერმა კრედიტის საკითხი კარგად გამოიკვლიოს და თუ ფერმაში ცვლილებები მისთვის დიდ თანხასთან არ არის დაკავშირებული, კრედიტს აგრო განვადება არჩიოს.
აგროსესხი მიწათმოქმედებს ეხმარება, რომ გააფართოონ მეურნეობა, გაზარდონ წარმოება, ააშენონ და მოაწყონ საწარმოო შენობა-ნაგებობები. აგრობიზნესის განვითარებისთვის აუცილებელი მექანიზაციის შესაძენად და აგრო-ბიზნესის გასაუმჯობესებლად აგრო სესხი ან განვადება სწორი არჩევანია.