ჩვენი სურვილია, რომ 1-ელ ოქტომბერს შევძლოთ და დავბრუნდეთ საკლასო ოთახებში, – „იმედის კვირასთან“ განათლების მინისტრმა მიხეილ ჩხენკელმა განაცხადა.
აღნიშნა, რომ ამისთვის საჭირო კორონავირუსის გავრცელების პრევენციისთვის რეკომენდაციების ზუსტი შესრულებაა.
„ჩვენი ყველასი სურვილია, რომ 1-ელ ოქტომბერს შევძლოთ და დავბრუნდეთ საკლასო ოთახებში, რომ ბავშვებს ჰქონდეთ ეს შესაძლებლობა, რადგან ბუნებრივი გარემო სასწავლო პროცესისთვის არის სწორედ სკოლაში, სასწავლო პროცესი არის საკლასო ოთახებში.
შესაბამისად, ამას რომ მივაღწიოთ, ყველამ უნდა გააცნობიეროს იმის მნიშვნელობა, რომ საჭიროა რეგულაციების ზედმიწევნით დაცვა“,- განაცხადა ჩხენკელმა.
ეპიდსიტუაციის გამო, 730-მდე ზოგადსაგანმანათლებლო დაწესებულებაში სწავლა ონლაინ რეჟიმში განახლდა. სწავლა ჩვეულ რეჟიმში 1-ლი ოქტომბრიდან უნდა განახლდეს.
