ჯანდაცვის მინისტრის მოადგილის განცხადებით საველე ჰოსპიტლის ოპერირების ხარჯები ჯერ გამოკვეთილი არ არის რადგან ჰოსპიტალი დღეს ამოქმედდა. ამის შესახებ მან ჟურნალისტების შესაბამისი კითხვის საპასუხოდ თქვა.
გაბუნიამ განმარტა, რომ საველე ჰოსპიტლის აღჭურვაში კონკრეტული ინვესტიციები განხორციელდა, ხოლო ოპერირების ხარჯებს სრულად დათვლილს კოლეგებისგან გამოითხოვს.
„საველე ჰოსპიტლის ოპერირება ახალი პრაქტიკაა, ნაწილი არის ინვესტიცია იმ აღჭურვილობაში რაც იქ არის. ზუსტი თანხა არ მაქვს დათვლილი, თუმცა ეს ინფორმაცია შეგვიძლია მოგაწოდოთ. რაც შეეხება ოპერირების ხარჯებს, ჰოსპიტალურ პირობებში ჩვენ გვაქვს ორი ნაწილი ფიქსირებული და ანაზღაურებადი. ასევე პაციენტისთვის დანახარჯი, რაც იქნება ფაქტიური, ამ შემთხვევაშიც ორივე ნაწილი დაზუსტდება. დღეს დაიწყო ამ ჰოსპიტალმა ფუნქციონირება და გამოიკვეთება რა დაჯდება ოპერირება“, – თქვა თამარ გაბუნიამ.
