მინდა გითხრათ, რომ მიწის რეფორმა არ მიმდინარეობას სათანადოდ, ვგულისხმობ იმას, რომ 2020 წელს, შექმნილი მიწის სააგენტო, რომელსაც დოკუმენტური ბაზა უნდა მოეწესრიგებინა და მხოლოდ სამი დადგენილება უნდა მიგეღოთ მთავრობას, ვგულისხმობთ მიწის ბალანსის აღრიცხვის წესს, კატეგორიების ცვლილებას და ანაზღაურების წესს, არცერთი არ არის შესრულებული, – ამ განცხადებით, პრემიერ-მინისტრობის კანდიდატს, გიორგი გახარიას დეპუტატმა, ნინო წილოსანმა მიმართა.
მისი თქმით, რადგან პარლამენტში, მხოლოდ ერთი პარტიაა, უფრო კრიტიკულები უნდა იყვნენ.
„ვგულისხმობ სოფლად მცხოვრები ადამიანების მეტ კეთილდღეობას. მინდა გითხრათ, რომ მიწის რეფორმა არ მიმდინარეობას სათანადოდ, ვგულისხმობ იმას, რომ 2020 წელს, შექმნილი მიწის სააგენტო, რომელსაც დოკუმენტური ბაზა უნდა მოეწესრიგებინა და მხოლოდ სამი დადგენილება უნდა მიგეღოთ მთავრობას, ვგულისხმობთ მიწის ბალანსის აღრიცხვის წესს, კატეგორიების ცვლილებას და ანაზღაურების წესს, არცერთი არ არის შესრულებული. რაც გულისხმობს, რომ უფრო მეტი ყურადღებაა საჭირო. სწორედ ამიტომ, ჩემი კითხვა იქნება შემდეგი, თქვენს ამ განაცხადში, როდესაც მიწის რეფორმას გულისმობთ რა კონკრეტულ ნაბიჯებს და პასუხისმგებლობას იღებთ იმისთვის, რომ აღნიშნული რეფორმა სათანადოდ განხორციელდეს? “,- მიმართა ნინო წილოსანმა გიორგი გახარიას.
დღეს პარლამენტში მთავრობის დამტკიცების სხდომა მიმდინარეობს. პარლამენტში პრემიერმინისტრობის კანდიდატს უსმენენ. ოფიციალურად პარლამენტმა მუშაობა 11 დეკემბერს დაიწყო.
ამის პარალელურად, ბარიერგადალახულმა ოპოზიციურმა პარტიებმა საკუთარ მანდატებზე უარი თქვეს.
23 დეკემბერს გაირკვა, რომ პარლამენტში ერთი ოპოზიციონერი დეპუტატი შედის.
