დღეს რუსული ოპოზიცია ოფიციალურად გაფორმდა ჩვენს ქვეყანაში! ვინც უპირისპირდება შარლ მიშელის ეგიდით მომზადებულ დოკუმენტს, ის, რეალურად, საქართველოს დასავლურ სტრუქტურებში ინტეგრაციის წინააღმდეგია, – ამის შესახებ „ქართული ოცნების“ დეპუტატი რატი იონათამიშვილი სოციალურ ქსელში წერს
„ფაქტობრივად, დადასტურდა, რომ ოპოზიციური მარგინალები სინამდვილეში საარჩევნო და სასამართლოს რეფორმებს კი არ ითხოვდნენ, არამედ რუსეთის დაკვეთით ქართულ დემოკრატიას უთხრიან ძირს. როგორც ჩანს, ევროკავშირის წევრობაზე ოფიციალური განცხადება თანაბრად აღიქვეს საფრთხედ მოსკოვში და შალვას ფანჩატურში. ვფიქრობ, მათ ამ დესტრუქციულ ნაბიჯს ძალიან მძიმე შეფასებები მოჰყვება ქართული საზოგადოების, მათი ამომრჩევლის და დასავლელი პარტნიორების მხრიდან. საქართველო კი ღირსეულად გააგრძელებს გზას ევროპისაკენ“, – წერს იონათამიშვილი.
