ძალიან სამწუხარო იყო სახალხო დამცველის განცხადება, რომ თუ ავთენტურობა დადგინდა, შესასწავლია, იყო თუ არა სისხლის სამართლის დანაშაულის ნიშნები“, – ამის შესახებ უფლებადამცველმა სოფო ხორგუანმა „ქრონიკაში“ განაცხადა, როდესაც ფარული ჩანაწერების გავრცელების თემაზე სახალხო დამცველის განცხადება შეაფასა.
„საერთოდ არ მესმის, რატომ შევდივართ განხილვაში, არის თუ არა ავთენტური. ეს არის აბსოლუტურად მიუღებელი და დაუშვებელი – ასეთი პოზიცია უნდა იყოს. შესაძლებელია, გავიზიაროთ კარგი გამოცდილებები, თუ ჩვენ ვერ მოვიფიქრეთ – მაგალითად, როდესაც საფრანგეთში გავრცელდა სარკოზის და მისი ადვოკატის საუბრები, ის მედია დააჯარიმეს. შეიძლება, ოპოზიციამ ციხის კადრები გაგვახსენოს, იქ ბედუკაძე ამბობდა, მე გადავიღე, ჩემია…მაშინ შევთანხმდეთ, რომ ან ის ავრცელებს, ვინც იღებს, ან წყაროს ვასახელებთ. ამ სტანდარტზე მაინც უნდა შევთანხმდეთ. ან საზოგადოება შევთანხმდეთ, რომ მსგავსი რამ აბსოლუტურად მიუღებელია“, – განაცხადა სოფო ხორგუანმა.
შეგახსენებთ, გუშინ “ტვ პირველმა” გაავრცელა ფარული ჩანაწერი, რომელშიც ბერა ივანიშვილი ირაკლი ღარიბაშვილთან ერთად, ანზორ ჩუბინიძეს არასასურველი კომენტარების გამო, რამდენიმე პირის დასჯას უკვეთავს.
