„რაც მოხდა ბათუმში ეს, რა თქმა უნდა, არ იყო ლამაზი სანახავი და არ მივესალმები, ჩვენ როგორც პოლიტიკოსები არ შეიძლება მივესალმოთ ასეთ გამოხატულებას და ეს არ არის ის პოლიტიკური სტანდარტი,რომელიც შეიძლება დავამკვიდროთ, მაგრამ ასევე აღსანიშნავია, ის გაზრდილი პროტესტი, ის უკმაყოფილება, რაც ადამიანებში არის”,- ამის შესახებ შესახებ „სტრატეგია აღმაშენებლის” ერთ-ერთმა ლიდერმა სერგო ჩიხლაძემ განაცხადა, რომელიც ბათუმში მომხდარ ინციდენტს გამოეხმაურა.
„ეს ადამიანები სამი თვე დგანან ქუჩაში, აპროტესტებენ და შესაძლებელია იყოს გარკვეული გადაცდომები, რომელსაც ჩვენ არ მივესალმებით, თუმცა ეს არის გამოხატულება იმ უკანონობაზე, იმ ამორალურობაზე რაც თუნდაც ამ კონკრეტულმა ადამიანმა, ჩვენი გადასახედით, ჩაიდინა, თუმცა კიდევ ვიმეორებ, რომ არ არის ლამაზი სანახავი და არავის არ მოვუწოდებ, რომ მსგავსი მეთოდებით იმოქმედოს”, – განაცხადა სერგო ჩიხლაძემ.
შეგახსენებთ, რომ აჭარის უმაღლესი საბჭოს დამოუკიდებელ დეპუტატს ირაკლი ჩავლეიშვილს სამოქალაქო აქტივისტებმა და არასამთავრობო ორგანიზაცია „ალტერანტივას” წევრებმა თავზე ნაგავი დააყარეს. ინცინდენტი ევროპის მოედანზე მოხდა.
როგორც „ალტერნატივას” წევრები აცხადებენ, ამ ფორმით აჭარის უმაღლეს საბჭოში ირაკლი ჩავლეიშვილის შესვლა გააპროტესტეს.
