რელიგიის საკითხთა სახელმწიფო სააგენტო საქართველოს ევანგელურ-ლუთერულ ეკლესიასა და მის მრევლს სულთმოფენობას ულოცავს.
„საქართველოს ევანგელურ-ლუთერული ეკლესია დღეს სულთმოფენობას აღნიშნავს. სახარების რწმენით, ღმერთმა ამ დღეს მოუვლინა მოწაფეებს სულიწმინდის მადლი. წმინდა მოციქულებზე აღსრულებული სულთმოფენობის შემდეგ, ეს დღესასწაული ეკლესიაში საღვთო სულის განუწყვეტელი მყოფობის ნიშანია. რელიგიის საკითხთა სახელმწიფო სააგენტო ულოცავს საქართველოს ევანგელურ-ლუთერულ ეკლესიასა და მის მრევლს“, – აღნიშნულია მილოცვაში.
რელიგიის საკითხთა სახელმწიფო სააგენტო ასევე სულთმოფენობის დღესასწაულს ულოცავს კათოლიკურ ეკლესიასა და საქართველოში მცხოვრებ კათოლიკეებს.
„სულთმოფენობა აღდგომიდან 50-ე დღეს აღინიშნება. წმინდა მოციქულებზე აღსრულებული სულთმოფენობის შემდეგ, ეს დღესასწაული არა მხოლოდ წარსული მოვლენების გახსენებაა, არამედ ეკლესიაში საღვთო სულის განუწყვეტელი მყოფობის ნიშანს წარმოადგენს“, – აღნიშნულია მილოცვაში.
