ვირუსის საწინააღმდეგო პრეპარატებს (მათ შორის რემდესივირს), ნაკლები გავლენა აქვთ ან საერთოდ არ ზემოქმედებენ ჰოსპიტალიზირებულ კოვიდპაციენტებზე. ამასთან, პრეპარატები სიკვდილიანობის შემცირებაზე გავლენას ვერ ახდენს. ამის შესახებ კვლევაშია აღნიშნული, რომელსაც „The New England Journal of Medicine“ აქვეყნებს.
კვლევის შემდეგ აღმოჩნდა, რომ საკონტროლო ჯგუფებთან შედარებით, სიკვდილიანობის კოეფიციენტმა რემდესივირის მიღებისას შეადგინა 0.95, ჰიდროქსიქლოროქინის შემთხვევაში – 1.19, ლოპანოვირის – 1.00 და ინტერფერონის შემთვევაში – 1.16. ამგვარად, პრეპარატების მღებამ ფაქტობრივად, შედეგი არ გამოიღო.
„რემდესივირის, ჰიდროქსიქლოროქინის, ლოპინავირის და ინტერფერონი ბეტა-1-ის მიღებას აქვს მცირე ეფექტი, ან საერთოდ არ აქვს ეფექტი კორონავირუსით ჰოსპიტალიზირებულ პაციენტებში,“,- ნათქვამია კვლევის შედეგში.
მეცნიერთა ჯგუფმა 30 ქვეყნის 405 საავადმყოფოში კოვიდით დაავადებული 11 330 ზრდასრული პაციენტის მონაცემები გააანალიზა. კვლევაში მთლიანად დარეგისტრირდა 1253 გარდაცვალების შემთხვევა. 28 დღის განმავლობაში სიკვდილიანობამ შეადგინა 11.8 %.
კვლევა დაფინანსებულია ჯანდაცვის მსოფლიო ორგანიზაციის მიერ.