ისკიტიმის რაიონული საავადმყოფოს მთავარმა ექიმმა ცოლი საკუთარ სახლში გარდაცვლილი აღმოაჩინა. ეს მაშინ მოხდა, როდესაც 28 სექტემბერს ის შინ ნადირობიდან დაბრუნდა.
ინფორმაციას „კომსომოლსკაია პრავდა“ ავრცელებს.
გარდაცვლილის სხეულზე წამების კვალი აღინიშნებოდა.
წინასწარი მონაცემებით, ვარაუდობენ, რომ ექიმების სახლში ყაჩაღები შევიდნენ, მძინარე ქალს ცემა დაუწყეს, რათა ძვირფასეულობის ადგილმდებარეობის შესახებ ინფორმაცია მიეღოთ.
60 წლის ქალს, რომელიც ასევე 30 წლის განმავლობაში სამედიცინო სფეროში მსახურობდა, დასახიჩრებული ჰქონდა სახე და მოტეხილი – ქვედა ყბა.
სახლიდან დაკარგულია საიუველირო ნივთები, ძვირფასი ქურქი და სეიფი, რომელშიც 10 ათასი ევრო და 500 ათასი რუსული რუბლი ინახებოდა.
მომხდარზე დაწყებულია გამოძიება.
