რუსეთში „ომიკრონით” ინფიცირების პირველი შემთხვევა დადასტურდა.
ამის შესახებ უცხოური მედია წერს.
გამოცემის ცნობით, “ომიკრონი“ რუსეთის ორ მოქალაქეს დაუდგინდა, რომლებიც სამხრეთ აფრიკიდან დაბრუნდნენ.
რუსეთის საზოგადოებრივი ჯანდაცვის ორგანიზაციაში აცხადებენ, რომ სამხრეთ აფრიკიდან დაბრუნებულ 10 ადამიანს კორონავირუსი დაუდასტურდა, თუმცა „ომიკრონის“ შტამი ჯერჯერობით მხოლოდ ორს აღმოაჩნდა. სხვა ნიმუშებზე კვლევა ჯერ კიდევ მიმდინარეობს.
ჯანდაცვის მსოფლიო ორგანიზაციამ სამხრეთ აფრიკაში გამოვლენილ კორონავირუსის ახალ ვარიანტს “ომიკრონი“ დაარქვა. “ომიკრონი“ ბერძნული ანბანის მე-15 ასოა (Ο).
