რუსული მედიის ინფორმაციით, რუსი ოპოზიციონერის ალექსეი ნავალნის თვითმფრინავი ბერლინში დაეშვა.
თვითმფრინავი ომსკიდან დღეს, დილით გაფრინდა და ბერლინის ტეგელის აეროპორტში დაეშვა. თავდაპირველად, ომსკის საავადმყოფოს ექიმები ნავალნის ბერლინში გადაყვანის წინააღმდეგი იყვნენ, თუმცა რუსი ოპოზიციონერის ჯანმრთელობის მდგომარეობის დასტაბილურების შემდეგ, ექიმებმა მისი გერმანიაში გადაყვანა დაუშვეს.
ნავალნის გერმანიაში ტრანსპორტირების ხარჯებს გერმანული არასამთავრობო ორგანიზაცია Cinema for Peace-ი ფარავს.
