რუსთავში მე-11 საჯარო სკოლის მე-2 კლასის მოსწავლეს კორონავირუსი დაუდასტურდა. ამის შესახებ ინფორმაციას „ინფორუსთავი“ ავრცელებს.
სკოლის დირექტორის ინფორმაციით, ინფიცირების დადასტურების გამო მეორე კლასის 26 მოსწავლე და ერთი მასწავლებელი თვითიზოლაციაში გადავიდა. მათ ვირუსზე ტესტირება ჯერჯერობით არ ჩატარებიათ.
მისივე ინფორმაციით, კლასი, რომელშიც ინფიცირებული სწავლობდა დისტანციურ სწავლებაზე გადავიდა, სკოლა კი ფუნქციონირებას ჩვეულ რეჟიმში განაგრძობს.
გავრცელებული ინფორმაციით, მოსწავლის ინფიცირების წყარო მისი მშობლები არიან.
შეგახსენებთ, რომ დღეს რუსთავში COVID-19 კიდევ ერთ მოსწავლეს დაუტასტურდა. კორონავირუსი პირველ კლასელს აღმოაჩნდა, რომელიც მე-7 საჯარო სკოლის მოსწავლეა.
