იმ სახელსა და გვარებს, რომლებიც ხელისუფლებას წარმოადგენენ, ვაქცინის კი არა შეშის მოტანაშიაც კი არ ვენდობოდი, – ამის შესახებ “ნაციონალური მოძრაობის” წევრი, რომან გოცირიძე სოციალურ ქსელში წერს.
გოცირიძის თქმით, ქვეყანაში ჩინური ვაქცინის შემოტანა მოგვიწევს,
„ახლა ახალი ლეგენდა გაჩნდა:
იმიტომ არა გვაქვს ვაქცინა, რომ მხოლოდ ხარისხიანს ველოდებითო.
ამ მიდგომით ორი წელიც არ გვეყოფა აცრისათვის. ისე, ვინ თქვა, რომ ჩინური უხარისხოა. შემოიტანე (კერძო ბიზნესსაც მიეცი ნება) და თავად გადავწყვეტ, გავიკეთო თუ არა ეს „უხარისხო“.
დაღუპულა მაშინ ჩვენი მეზობელი თურქეთი და აზერბაიჯანი, სადაც დიდი ხანია აცრები ჩინური ვაქცინით მიმდინარეობს.
მაინც მოგვიწევს ჩინურის შეძენა. ის ქვეყნები ლიდერობენ აცრაში, რომლებმაც იმით დაიწყეს, რაც ხელში ჩაუვარდათ, მდიდარ „დუბაიშიც“ კი.
რუსულიც მშვენიერი ვაქცინა გამოდგა, მაგრამ ამაზე უკრაინამ უარი თქვა პოლიტიკური მოსაზრების გამო (ჩინური უკვე შეიძინა). ჩვენც ამ გზით მოგვიწევს წასვლა.
როცა რაღაც მნიშვნელოვანი სიკეთე დიდ კონკურენციულ ბრძოლაში მოიპოვება, წარმატება არა მხოლოდ ფინანსებს და ქვეყნის წონას მოაქვს, არამედ პიროვნულ ფაქტორსაც.
იმ სახელსა და გვარებს, რომლებიც ხელისუფლებას წარმოადგენენ, ვაქცინის კი არა შეშის მოტანაშიაც კი არ ვენდობოდი.
რა ნიშნით უნდა გაუწიოს ვინმემ ანგარიში?“,- წერს გოცირიძე.
