„ნაციონალური მოძრაობის“ თავმჯდომარის, ნიკა მელიას განცხადებით, მიხეილ სააკაშვილი ვერასოდეს იპოვის სამართალს, რადგან სამართლიანი სასამართლო არ არსებობს და არც არსებობდა.
„ადამიანი, რომელიც არის ქვეყნის მესამე პრეზიდენტი და ღარიბაშვილ-ივანიშვილ-მურუსიძეს ჰყავს დატყვევებული, რომელიც ვერასოდეს იპოვის სამართალს, რადგან სამართლიანი სასამართლო არ არსებობს, არ არსებობდა, ასე უნდა ითქვას და არ არსებობს ახლაც.
მიხეილ სააკაშვილის გათავისუფლებისთვის ბრძოლა იქნება ბოლომდე და ამ ყველაფრის განხორციელებისთვის წარდგენილი იქნება ოპოზიციური პარტიების მიერ შემუშავებული კონკრეტული გეგმა, რომელიც დაუკავშირდება ახალ არჩევნებს და სხვა მნიშვნელოვან დეტალებს“, – განაცხადა ნიკა მელიამ.
