თბილისის სააპაელაციო სასამართლომ ოპოზიციის საერთო საჩივარი არ დააკმაყოფილა.
სარჩელი შემაჯამებელ ოქმებსა და 2020 წლის 31 ოქტომბრის საპარლამენტო არჩევნების არაკონსტიტუციურად ცნობას ეხებოდა.
ოპოზიცია და ადვოკატები სასამართლოს პოლიტიკური გადაწყვეტილების მიღებაში ადანაშაულებენ.
“ევროპული საქართველოს” წევრის, ოთო კახიძის თქმით, ცესკო და სასამართლო “ქართულ ოცნებას” ემორჩილება და პოლიტიკურ დაკვეთებს ასრულებს.
“ცესკომ წინასწარ განჭვრიტა თუ რას გააკეთებდა თბილისის სააპელაციო სასამართლო, კომისიის წევრები ცინიკურად სხდომაზე ამბობდნენ, რომ წაიღეთ სასამართლოში და ნახეთ რა იქნება, რადგან მათ წინასწარ იცოდნენ შედეგი. ეს უწყება სამივე ინსტანციით, როგორც კი პოლიტიკურ ინტერესს ეხება საქმე მაშინვე არიან დამორჩილებულები ხელისუფლების ნებას”, – განაცხადა კახიძემ.
შეგახსენებთ, ოპოზიცია 2020 წლის 31 ოქტომბრის საპარლამენტო არჩევნების შედეგებს არ აღიარებს, პარლამენტს ბოიკოტს უცხადებს და ხელახალ არჩევნებს ითხოვს.
