კონფლიქტის დაწყების დღიდან სომხეთის პროვოკაციის შედეგად დაღუპულია 63 და დაშავებულია 292 მშვიდობიანი მოქალაქე. ინფორმაციას აზერბაიჯანული მედია ავრცელებს.
გამოცემის ცნობით, სომხეთის მიერ დასახლებების დაბომბვის შედეგად სერიოზულად დაზიანდა 90 მრავალსართულიანი საცხოვრებელი კორპუსი, 1 981 სახლი და სამოქალაქო ინფრასტრუქტურის 386 შენობა.
შეგახსენებთ, რომ სომხეთსა და აზერბაიჯანს შორის ურთიერთობა 27 სექტემბრიდან დაიძაბა.
9 ოქტომბერს აზერბაიჯანი და სომხეთი ცეცხლის შეწყვეტის შესახებ შეთანხმდნენ. რამდენიმე საათში მხარეებმა ერთმანეთი შეთანხმების დარღვევაში დაადანაშაულეს.
მათ შორის კიდევ ერთი სამშვიდობო შეთანხმება ძალაში 18 ოქტომბერს, ადგილობრივი დროით 00:00 საათზე შევიდა.
თუმცა, ის კვლავ დაირღვა და აზერბაიჯანი და სომხეთი ამაში კვლავ ერთმანეთს ადანაშაულებენ
