დღეს ერთი საუკუნე გავიდა მას შემდეგ, რაც რუსეთის წითელმა არმიამ თბილისი აიღო. 1921 წლის 25 თებერვალს, რუსეთის მე-11 არმიამ საქართველოს ანექსია მოახდინა.
საქართველოს დამოუკიდებლობისთვის მებრძოლ იუნკერთა დიდი ნაწილი ბრძოლის ველზე გმირულად დაეცა. დღეს კოჯორში, გმირულად დაღუპულთა ხსოვნას პრემიერი, პარლამენტის თავმჯდომარესა და თავდაცვის მინისტრთან ერთად პატივს მიაგებს და იუნკერთა მემორიალს გვირგვინებით შეამკობს.
25 თებერვალი საბჭოთა ოკუპაციის დღედ, პარლამენტმა 2010 წლის 21 ივლისს გამოაცხადა. ამ დღეს, ოკუპაციის მსხვერპლთა პატივსაცემად, წუთიერი დუმილი ცხადდება და ქვეყნის მთელ ტერიტორიაზე, სახელმწიფო უწყებების შენობებზე, სახელმწიფო დროშები ეშვება.
