ეკონომიკის მინისტრის, ნათია თურანვას თქმით, რეგულარული ფრენები ივლისის ბოლომდე გადავადდება. ამის შესახებ მან მთავრობის სხდომის დასრულების შემდეგ განაცხადა.
მისი თქმით, ყველაფერი დამოკიდებული იქნება სხვა ქვეყნებში არსებულ ეპიდსიტუაციაზე.
„ტურიზმთან დაკავშირებით ამოვდივართ მოსახლეობის ჯანმრთელობის დაცვის პრიორიტეტიდან და გავაძლიეროთ ვითარების მართვა მოსახლეობის დაცვა და პრევენცია. ამ ამოცანიდან გამომდინარე, ივლისში ფრთხილად მოვეკიდებით საერთაშორისო ვიზიტორებს. ბიზნეს სასწავლო ვიზიტორებისთვის იქნება გამარტივებული შემოსვლა და შემუშავდა კრიტერიუმები. ველოდებით ევროკავშირის გადაწყვეტილებას არაწევრ ქვეყნებთან მიმართებაში.
რაც შეეხება ფრენებს, რეგულარული ფრენების გადადება მოგვიწევს ივლისის ბოლოსკენ, მაგრამ ჩარტერული დღესაც ხორციელდება და ასეც გაგრძელდება. ვაკვირდებით ეპიდემოილოგიურ ვითარებას და ევროკავშირის გადაწყვეტილებას. რეგულარული ფრენების აღდგენა დანარჩენ ქვეყნების ეპიდსიტუაციაზეც არის დამოკიდებული, ავანგარდში იყო მთავრობა ახალი ფრენებისა და კომპანიების შემოყვანის მაგრამ ახლა უპირატესია ჯანმრთელობა. ალბათ გადავავადებთ ივლისის ბოლომდე რეგულარულ ფრენებს, ეს იქნებოდა ოპტიმისტური ასე რომ არ გაგვეკეთებინა. ჩარტერული ფრენები სელეკტიურად განხორციელდება“,- განაცხადა ნათია თურნავამ.
