ოპოზიციის მხრიდან სწორად გადადგმული ნაბიჯი არ იყო, აქციები განაახლეს, მიუხედავად იმისა, რომ ამბობდნენ, თითქოს სურდათ მოლაპარაკება, – ამის შესახებ საქართველოს პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძემ განაცხადა.
„მათი მხრიდან არ იყო თავდაპირველად სწორად გადადგმული ნაბიჯი, როცა აქციები განაახლეს მიუხედავად იმისა, ამბობდნენ, თითქოს, სურდათ მოლაპარაკება. ეს ყველაფერი არათანმიმდევრული იყო. საერთო ხედვის წერტილები უნდა ვიპოვოთ. მნიშვნელოვანი იქნება პოზიციების მოსმენა, რატომ უნდა ჩატარდეს ხელახალი არჩევნები და არა იმაზე მსჯელობა, აქციები გაიმართება თუ არა“, – განაცხადა მიხეილ სარჯველაძემ.
