აშშ-ს ელჩი საქართველოში, პოლიტიკური პარტიების ლიდერებს მოუწოდებს, ქვეყანაში არსებული სიღარიბის და კოვიდპანდემიით გამოწვეული ეკონომიკური პრობლემების გამო, მოუსმინონ ამომრჩეველს, იპოვონ გამოსავალი და შევიდნენ პარლამენტში.
ამის შესახებ კელი დეგნანმა პარლამენტში ჟურნალისტებთან საუბრისას განაცხადა.
„ეს წელი იქნება გამოწვევა ყველა ქვეყნისთვის. ჩვენ განვაგრძობთ რომლის საქართველოს ხელისუფლებასთან, სამოქალაქო სექტორთან და მედიასთან, ყველა მხარის ჩართულობა მნიშვნელოვანია რომ ქვეყანამ დაძლიოს ეს გამოწვევები სავსე წელი.
გუშინდელი გადაწყვეტილება შესაძლებლობას აძლევს მხარეებს მოიგონ დრო და დააახლოვონ განსხვავებული პოზიციები თუ ეს შეუძლიათ. ეს შესაძლებელია თუ მხარეები პირველ ადგილზე ქვეყნის ინტერესს დააყენებენ.
ბევრმა კვლევამ აჩვენა რომ საქართველოს მოსახლეობას აწუხებს უმუშევრობა. მაღალი ფასები, სიღარიბე. ასევე კვლევებმა აჩვენა, რომ გამოკითხულთა 75% მეტის სურვილია რომ მათ მიერ მხარდაჭერილი პარტიების წარმომადგენელმა ერთად იმუშაონ პარლამენტში დროულად ამ საკითხებზე. ვიმედოვნებ, რომ პარტიები ამას გაითვალისწინებენ.
კიდევ ერთხელ ვიტყვი, რომ პარტიების ლიდერებმა პირველ ადგილზე ქვეყნის ინტერესი უნდა დააყენონ, მოუსმინონ ამომრჩევლებს, რა არის მათთვის მნიშვნელოვანი.
უმუშევრობა, მაღალი ფასები, სიღარიბე და „კოვიდ-19“-ის ნეგატიური გავლენა ეკონომიკაზე. ვფიქრობ, რომ ამ საკითხების გადაუდებლობა უბიძგებს მხარეებს იპოვონ კომპრომისი. იპოვონ გამოსავალი და შევიდნენ პარლამენტში“, – განაცხადა კელი დეგნანმა.
