საიას ხელმძღვანელი სულხან სალაძე აცხადებს, რომ პრაქტიკულად არ არსებობს მექანიზმი, რომლითაც ცნობილი გახდება თუ რა მოხდა მამასახლისის მიერ მოზარდის დაკითხვის დროს. ამის შესახებ მან „გადაცემა პოლიტმეტრში“ განაცხადა.
„ეს ჩვენება, იყო პრინციპულად მნიშვნელოვანი, ჩოლოიანი არ ყოფილა ერთადერთი ვინც ამ პროცესში მონაწილეობდა, თავი რომ დავანებოთ ცალკე ოთახში მამასახლისთან ლუკას გაყვანის ეპიზოდს. რახან ლუკას დედისთვის არ უთქვამს, პრაქტიკულად, არ გვაქვს მექანიზმი გავიგოთ იქ რა მოხდა. ვუსმენდი დედის ინტერვიუს და შეიძლება იქ სილის გაწვნა ყველაზე ნაკლები ყოფილიყო, ისევე როგორც ბავშვმა თქვა, რომ კაპეზეთი დამემუქრაო“, – განაცხადა სალაძემ.
მისი თქმით, სასურველი ჩვენების მიღება მოკლე დროში – ეს არის სისტემური პრობლემა.
„ეს არის ზოგადად პრობლემა, როდესაც შემინული შენობების მიღმა როგორ ხდება სასურველი ჩვენებების მიღება, ეს ერთი დიდი პრობლემაა. მით უმეტეს, როდესაც ამ პროცესებში, როგორც წესი, რაღაც ეტაპზე, სამართალდამცველები მონაწილეობენ. ხშირად გამოძიება ცდილობს ნებისმიერი ფორმით მოკლე დროში მიიღოს სასურველი ჩვენება. ერთადერთი დაზღვევაა, რომ როცა ისინი აწყდებიან მსგავს პრობლემას, იქვე მოითხოვონ კვალიფიციური სამართლებრივი დახმარება და ამასთან, საზოგადოება ხშირად უნდა საუბრობდეს ამ პრობლემაზე“, – განაცხადა სალაძემ.
ასევე ნახეთ: „მარიანამ უთხრა, კისერს მოგიგრეხ, შენისთანებისთვის მომიგრიხავს კისერიო“ – ლუკა სირაძის დედა
ცნობისთვის, მარიანა ჩოლოიანს ლუკა სირაძის მიმართ ჩვენების იძულებას ედავებიან. ის ბრალს არ აღიარებს.
შეგახსენებთ, 15 წლის მოზარდი ლუკა სირაძე, რომელმაც პოლიციაში გამოკითხვის შემდეგ თვითმკვლელობა სცადა, 17 დეკემბერს საავადმყოფოში გარდაიცვალა.
სამართალდამცავებმა გამომძიებელი მარიანა ჩოლოიანიდააკავეს. მას თბილისის საქალაქო სასამართლომ აღკვეთის ღონისძიების სახით პატიმრობა 19 დეკემბერს შეუფარდა.
