პარლამენტის ვიცე-სპიკერის არჩილ თალაკვაძის განცხადებით, „ნაციონალური მოძრაობა” მარგინალურ ზონაში რჩება მანამ, სანამ შარლ მიშელის დოკუმენტს ხელს არ მოაწერს.
„”ნაციონალურ მოძრაობას” 7-თვიანი უშინაარსო, ანტისხელმწიფოებრივი საბოტაჟის შემდეგ მოუწია პარლამენტში შემოსვლა იმიტომ, რომ ეს არის სამართლებრივი სახელმწიფო და არავის ეპატიება მოქალაქეების არჩევანის უგულებელყოფა, არავის ეპატიება საზოგადოების მოტყუება.
სანამ მიშელის დოკუმენტს ხელს არ აწერენ, ისინი რჩებიან მარგინალურ ზონაში, როგორც რადიკალური პოლიტიკური პარტია. ისინი რჩებიან ევროპული ღირებულებების მიღმა, სანამ ჩვენ ევროპელ პარტნიორებთან ერთად მიღწეულ შეთანხმებას ხელს მოაწერენ. დანარჩენს ნახავთ პარლამენტის დარბაზში რა პასუხსებს მიიღებენ. მთავარია, საზოგადოებამ დაინახა, რომ მათი მუქარა, ხმამაღალი განცხადებები და საბოტაჟი იყო უშედეგო და ეს არის დასრულებული. არასდროს დავუშვებთ, რომ რომელიმე ანტისისტემურმა პარტიამ, მათ შორის “ნაციონალურმა მოძრაობამ” სერიოზული მხარდაჭერა ან მართვის ბერკეტი მოიპოვონ. ისინი ოპოზიციაშიც მძიმე კონკურენციის ქვეშ არიან”, – განაცხადა თალაკვაძემ.
