კულტურის სფეროში, საქართველოს აქვს პროგრესი კულტურული პროექტებისა და საქმიანობის დაფინანსების მექანიზმებისა და მეთოდოლოგიის გაუმჯობესების კუთხით, – წერია ევროკავშირის ანგარიშში, რომელიც საქართველოს მიერ, 2020 წლის განმავლობაში, ასოცირების შეთანხმების შესრულებას ეხება.
ამავე ანგარიშში საუბარია სპორტის სფეროზეც.
„საქართველო ჩართულია Erasmus+-ის ერთ-ერთ პროექტში. ამასთან, ქვეყანა უკვე მესამედ ჩაერთო ევროპის სპორტის კვირეულში (European Week of Sport Beyond Borders)“ – აღნიშნულია ანგარიშში.
ევროკავშირის ანგარიში საქართველოს მიერ 2020 წლის განმავლობაში ასოცირების შეთანხმების შესრულების შესახებ დადებითად აფასებს საქართველოს მთავრობის მიერ გადადგმულ კონკრეტულ ნაბიჯებს სხვადასხვა მიმართულებით.
