საქართველოს გადარჩენისგან 11 დღე გვაშორებს. როგორი გაყალბებისთვისაც არ უნდა მოემზადოს ივანიშვილი, რა ამბებიც არ უნდა მოამზადოს, ყველაფერს აქვს თავისი დასაწყისი და დასასრული,- ასე მიმართა „ ნაციონალური მოძრაობის“ ლიდერმა მიხეილ სააკაშვილმა საჩხერეში ამომრჩეველს, სადაც „ნაციონალურმა მოძრაობამ“ მაჟორიტარობის კანდიდატი გიორგი კაპანაძე წარადგინა.
მიხეილ სააკაშვილი საჩხერეში შეკრებილ ამომრჩეველს ონლაინ ჩაერთო.
„ახლა მოეღება ყველაფერს ბოლო, რადგან საქართველო იმსახურებს ბევრად უკეთეს მომავალს. საუკეთესო დღეები არის წინ და ჩვენი ნიჭიერებით ყველანი ამ განსაკუთრებულ დღეებს შევქმნით“, – აცხადებს სააკაშვილი.
