საქართველოს წითელი ჯვრის საზოგადოებამ შვეიცარიის წითელი ჯვრის მხარდაჭერით, 22 ტონა თხევადი ჟანგბადი მიიღო, რომელსაც აჭარის ჯანდაცვის სამინისტროს საჩუქრად გადასცემს. ინფორმაციას ამის შესახებ საქართველოს წითელი ჯვრის საზოგადოება ავრცელებს.
„აღნიშნული საკითხის მოგვარებაში, საქართველოს წითელი ჯვრის საზოგადოება აქტიურად ჩაერთო და ოპერატიულ რეჟიმში, 22 ტონა თხევადი სამედიცინო ჟანგბადის მოძიება და ტვირთის საქართველოში ტრანსპორტირება მოახერხა.
შეგახსენებთ, რომ საქართველოს წითელი ჯვრის საზოგადოება ქვეყანაში კორონავირუსის გავრცელების საწყისი ეტაპიდან ჩართულია მოსახლეობის მხარდასაჭერად სხვადასხვა მიმართულებით“, – წერია გავრცელებულ ინფორმაციაში.
