საქართველოს მესამე პრეზიდენტი, მიხეილ სააკაშვილი ახალ ვიდეომიმართვას ავრცელებს.
როგორც იგი ამბობს, გუშინ „ნაციონალურმა მოძრაობამ“ ყველაფრის მიუხედავად შეძლო საზოგადოებისთვის ძლიერი მაჟორიტარების გუნდი წარდეგინა. მისი თქმით, საქართველოში „ახალი ეპოქა“ იწყება.
„ამდენი დევნის და უბედურების შემდეგ, მიუხედავად ყველაფრისა, გაერთიანებულმა ოპოზიციამ შეძლო წარმოდგენა ძლიერი მაჟორიტარობის გუნდი.
გარდა ტრადიციული ლიდერებისა, აქ არის ახალი შემომატებული ხალხი. აქ არის ოლიმპიური ჩემპიონი მანუჩარ კვირკველია, აქ არის მალხაზ ჯალაღონია, ძალინ მაგარი ექიმი ზუგდიდიდან. წამყვანი ბიზნესმენები და ის, რომ ბიზნესი გადმოვიდა აქეთ, არის უტყუარი ნიშანი იმისა, რომ საქართველოში ყველაფერი იცვლება და საქართველოში იწყება ახალი ეპოქა. ასევე შემოგვიერთდა ნანუკა ჟორჟოლიანი, სუპერვარსკვლავი, არამხოლოდ ტელესივრცის, არამედ ზოგადად შემოქმედებითი პროფესიების საქართველოში.
ასევე დევი ჭანკოტაძე, რომელიც თავიდან ვვარაუდობდით, რომ უნდა ყოფილიყო მაჟორიტარი დეპუტატი, მაგრამ ის იქნება „ნაციონალური მოძრაობის“ სიის ლიდერი. ის, რომ დევი ჩვენთან არის და არის წამყვანი საქართველოს მომავალი პარლამენტის და იმედია აქართველოს მომავალი ხელისუფლებისაც, ეს სწორედ ნიშანია იმის, რომ ჩვენ მივდივართ გამარჯვებისკენ“,- განაცხადა სააკაშვილმა.
ნახეთ დეტალურად: „ძალა ერთობაშია“-ს მაჟორიტარი დეპუტატობის ყველა კანდიდატი ცნობილია – სრული სია
