საქართველოში, 22 ნოემბრის მონაცემებით 864 კოვიდპაციენტის მდგომარეობა მძიმეა. აქედან, 386 პაციენტი მართვით სუნთქვაზე იმყოფება, – ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის მიერ გავრცელებულ ოფიციალურ ინფორმაციაშია ნათქვამი.

„ამ ეტაპზე მძიმე პაციენტია 864 პირი, მათ შორის, თბილისში – 394, აჭარაში – 147, იმერეთში – 202. მათ შორის ხელოვნური სუნთქვის აპარატზე იმყოფება 386 პირი, მათგან თბილისში – 159, აჭარაში – 114, იმერეთში – 45.

3 449 ადამიანი მოთავსებულია კოვიდ-სასტუმროში, მათ შორის 1 138 – თბილისში, 1 659 – აჭარაში, 310 – იმერეთში. 8 453 პირი ვირუსის მკურნალობს კურსს გადის საცხოვრებელ ბინაზე. საკარანტინე სივრცეებში მოთავსებულია 2 159 ადამიანი, მათ შორის, თბილისში – 470, აჭარაში -1 100, ხოლო იმერეთში – 26. სულ 6 ოქტომბრიდან – 21 ნოემბრის პერიოდში, სახელმწიფო საზღვრიდან საკარანტინე სივრცეებში გადაყვანილია – 17 241 პირი. ამ ეტაპისთვის თვითიზოლაციაში იმყოფება 56 608 ადამიანი, მათ შორის თბილისში – 16 201 პირი, აჭარაში – 18 088, იმერეთში – 5 313″, – ნათქვამია ინფორმაციაში.

ცნობისთვის,  ბოლო 24 საათში საქართველოში  კორონავირუსის 4048 ახალი შემთხვევა დაფიქსირდა.

ამასთან, დღეს გამოჯანმრთელდა 3856  ადამიანი, ხოლო გარდაიცვალა 49.