სოსო ტყემალაძე რაგბის კავშირის პრეზიდენტად დანიშვნის შემდეგ პირველ კომენტარს აკეთებს.
როგორც სოსო ტყემალაძე ამბობს, სწრაფად დაიწყებენ იმ გეგმების განხორციელებას, რაც დაანონსებული ჰქონდა.
„სარაგბო სამყაროს ვულოცავ! შიგნით საკმაოდ მშვიდობით წარიმართა ეს პროცესი, გარეთ აჟიოტაჟისთვის წუხილს გამოვთქვამ. ვიცოდით, რაც იყო დაანონსებული. სასწაული არაფერი მომხდარა, რაც მოხდა დასანანია. კლუბებს გაუჭირდათ მოსვლა, მაგრამ ვინც ვერ შეძლო მოსვლა, მესმის და მინდა ვუთხრა მათ, რომ ეს მათთან თანამშრომლობას ხელს არ შეუშლის.
ეს სანატრელი დღე დადგა. წელიწადზე მეტია რაგბის კავშირს არ ჰყავს პრეზიდენტი. მინდა რაგბის გამგეობას მადლობა გადაუხადო და მათ, ვინც აქამდე მოიტანა ეს პროცესი. ვნებები ჩაცხრება და უსწრაფესად გადავალთ სამუშაო რეჟიმში“, – განაცხადა ტყემალაძემ.
ცნობსითვის, რაგბის კავშირის პრეზიდენტად იოსებ ტყემალაძე აირჩიეს.
