თბილისის საქალაქო სასამართლოში თამარ ბაჩალიაშვილის ოჯახის ადვოკატის, მიხეილ რამიშვილის გამოკითხვა დასრულდა.
სასამართლოდან გამოსულმა რამიშვილმა თქვა, რომ კითხვები ძირითადად სატელიტ ფოტოებს შეეხებოდა და იმას, იცოდა თუ არა ფოტოების გაყალბების შესახებ რამე.
„მე გავეცი კითხვებზე პასუხი, დანარჩენი უკვე პროკურატურამ გადაწყვიტოს რა იყო მათთვის მნიშვნელოვანი და რა არა. კითხვები იყო შესაბამისად ყველა მიმოწერაში რა რას ნიშნავდა, მიმართულება იქითკენ იყო მე ხომ არ შევუკვეთე და მე ხომ რ ვიყავი შემკვეთი, ხომ არ ვიცოდი, რომ ფოტოები გაყალბებული იყო და ა.შ.
ბატონი დავითი ამბობს, რომ 30 სექტემბერს იგი წავა ამერიკაში, რამდენიმე დღეში ჩამოიტანს განსხვავებულ პასუხს და დაამტკიცებს, რომ მის მიერ წარმოდგენილი მასალა არის სიმართლე. ისეთ ფოტომასალას ჩამოიტანს, რითაც დადასტურდება, რომ ავტომობილი ადგილზე არ იყო“,- განაცხადა მიხეილ რამიშვილმა.
ცნობისთვის, დავით ფურცხვანიძე არის ის, ვინ მიხეილ რამიშვილს სატელიტის მიერ გადაღებული ფოტოები მიაწოდა.
ჩვენი ინფორმაციით, დავით ფურცხვანიძე წარსულში თაღლითობისთვისაა ნასამართლევი.
ასევე დაგაინტერესებთ:
ბაჩალიაშვილის ოჯახის ადვოკატის წყარო პრორუსი ექსპერტი აღმოჩნდა
ცნობილია პირი, ვინც ბაჩალიაშვილის ადვოკატს ყალბი მტკიცებულებები მიაწოდა
