“ქართული ოცნების” დეპუტატი ნიკოლოზ სამხარაძე გერმანიაში საპარლამენტო დელეგაციის ვიზიტს აფასებს. როგორც სამხარაძე აცხადებს, საქართველომ გერმენაელი კოლეგებისგან ევროატლანტიკურ სტრუქტურებში ინტეგრაციის მხირვ, მხარდაჭერა კიდევ ერთხელ მიიღო.
„ვისაუბრეთ იმაზე თუ როგორ შეიძლება აღმოსავლეთ პარტნიორობის ფარგლებში საქართველომ მიიღოს უფრო მეტი დახმარება ევროკავშირისგან სხვადასხვა სექტორული ინტეგრაციის მეშვეობით, იქიდან გამომდინარე, რომ საქართველო არის ლიდერი აღმოსავლეთ პარტნიორობის. ასევე ვისაუბრეთ იმაზე, რომ რიგ შემთხვევაში საქართველო დასავლეთ ბალკანეთის ქვეყნებსაც კი უსწრებს ინტეგრაციის გზაზე და ამიტომ საჭიროა ახალი მექანიზმების მოფიქრება, იმისთვის რომ ევროკავშირის მხარდაჭერა საქართველოსთვის უფრო ქმედითი გახდეს“, – განაცხადა სამხარაძემ.
შეგახსენებთ, ქართული დელეგაცია ბერლინში შეხვედრებს 5 მაისიდან მართავს.
