დაავადებათა კონტროლის ეროვნული ცენტრის ხელმძღვანელი, ამირან გამყრელიძე საწოლფონდებთან დაკავშირებით საუბრობს და ამბობს, რომ სამინისტროს მხრიდან ხდება დამატებითი საწოლების მობილიზება, ამიტომ წესით და რიგით მომავალშიც საწოლფონდის პრობლემა არ უნდა იყოს,-  ამის შესახებ გამყრელიძემ ჟურნალისტებთან საუბრისას განაცხადა.

„დღეს ქვეყანაში მობილიზებულია დაახლოებით 5 700 საწოლი საავადმყოფოებში და ამდენივე კოვიდსასტუმროებში. მიმდინარეობს დამატებითი საწოლების მობილიზაცია. იცის სამინისტრომ სად და როგორ უნდა მოხდეს საწოლების განთავსება. დაახლოებით 4 ათასამდე საწოლი. წესით და რიგით ჩვენ კარგად ვმართავთ ყველა შემთხვევას და იქნება ტრიაჟი კარგი, საწოლფონდის დეფიციტი ქვეყანაში არ უნდა შეიქმნას“,- განაცხადა ამირან გამყრელიძემ.

დღეს საქართველოში კოროანვირუსის ყველაზე მაღალი მაჩვენებელი – 3120 შემთხვევა გამოვლინდა, გამოჯანმრთელდა 2358 ადამიანი, ხოლო  გარდაიცვალა 33.

ბოლო მანცემებით, კარანტინის რეჟიმში იმყოფება 2656 ადამიანი, სტაციონალური მეთვალყურეობის ქვეშ 4878.