კორონავირუსის შემთხვევების დაფიქსირების გამო ახმეტის მუნიციპალიტეტის სოფელ მატანში საველე კარვები მოეწყო. ინფორმაციას ამის შესახებ შინაგან საქმეთა სამინისტრო ავრცელებს.
უწყების ცნობით, სოფლის შესასვლელსა და გასასვლელში ყველა მოქალაქეს თერმოსკრინინგი ჩაუტარდება.
„უწყებათშორისი საკოორდინაციო საბჭოს გადაწყვეტილებით, სოფელ მატანში შემსვლელ და გამომსვლელ ყველა მოქალაქეს ადგილზე უტარდება თერმოსკრინინგი და ტესტირება. პოლიცია, პრევენციულ ღონისძიებებს დაავადებათა კონტროლის ეროვნული ცენტრის თანამშრომლებთან ერთად ატარებს.
აღსანიშნავია, რომ სოფელ მატანსა და ახმეტის მუნიციპალიტეტის სხვა სოფლებში შესვლა-გამოსვლა არ იზღუდება და არ წესდება სხვა მკაცრი საკარანტინო შეზღუდვები“,- ნათქვამია გავრცელებულ განცხადებაში.
კარვები მოწყობილია ასევე ცაგერის მუნიციპალიტეტის სოფლებში -ორბელსა და ლაჯანაში.
საველე კარვები მოწყობილია აჭარაშიც, კერძოდ:
ქ. ბათუმის N1 პოლიკლინიკა, მის: ტბელ აბუსერიძის ქ. N2
საოჯახო მედიცინის რეგიონული ცენტრი, მის: ბარათაშვილის ქ.N30
ევექსის ამბულატორია, მის: სელიმ ხიმშიაშვილის ქ. N20
N4 პოლიკლინიკა, მის: ტაბიძის ქ. N7
თამარის დასახლების საოჯახო მედიცინის რეგიონული ცენტრი, მის: ტბეთის ქ.N4
ასევე, ბათუმში კარვები მოწყობილია ხოფის ბაზრობაზე და ავტოსადგურის მიმდებარე ტერიტორიაზე.
