„ლეიბორისტული პარტიის“ ლიდერი, შალვა ნათელაშვილი „მესამე ძალის“ მიერ დაანონსებულ პრეზენტაციას ეხმაურება.
მისი თქმით, გიორგი ვაშაძე ყოველთვის დისტანცირებული იყო ოპოზიციიდან.
„სწორედ ის იყო ერთ-ერთი შუამავალი ჩხარტიშვილის დავალებით, რომ პარლამენტში შეეყარათ ოპოზიცია და გადარჩენილიყო ივანიშვილის რეჟიმი. მე არ ვთვლი, რომ ეს პოლიტიკური ძალა იმსახურებს რაიმე ღრმა ანალიზს და დიდ პერსპექტივას“, – განაცხადა ნათელაშვილმა.
ცნობისთვის, დღეს პოლიტიკური გაერთიანება „მესამე ძალის“ პრეზენტაცია იგეგმება, რომელსაც უერთდებიან „სტრატეგია აღმაშენებელი“, „რესპუბლიკური პარტია“, „თავისუფალი დემოკრატები“ და გრიგოლ ვაშაძე.
