“ISFED-ის კიდევ ერთი არითმეტიკული შეცდომა. პარალელური დათვლის შედეგებს მიათვალეს ბათილი ბიულეტენები, დისბალანსიან ოქმებს კი არ გამოაკლეს შესწორების ოქმები.
კიდევ ერთხელ დადასტურდა რომ ცესკო-ს შედეგები იყო მართალი და “სამართლიანი არჩევნების” – მცდარი”,- ამის შესახებ “ქართული ოცნების” დეპუტატი “სამართლიანი არჩევნების”განცხადებასთან დაკავშორებით შალვა პაპუაშვილი სოციალურ ქსელში წერს.
“დღევანდელ ბრიფინგზე სამართლიანი არჩევნების (ISFED) წარმომადგენლებმა დაადასტურეს, რომ
შესწორების ოქმების გათვალისწინებით მეტობით დისბალანსი არის უბნების 0,4%-ში (და არა 8%-ში) და ამით ემთხვევა ცესკო-ს მონაცემებს
სამართლიანი არჩევნები ხსნის თავის განცხადებას, რომ დისბალანსს შეეძლო 4,1%-იანი გავლენა მოეხდინა არჩევნების შედეგებზე.
კიდევ ერთხელ მოვუწოდებ 24 არასამთავრობო ორგანიზაციას, რომელმაც 4 ნოემბერს ერთობლივი განცხადება გამოაქვეყნა, რომ ჩაასწორონ მათი 4 ნოემბერის განცხადება, ვინაიდან თითქმის ყველა ძირითადი ფაქტი და შეფასება აღმოჩნდა მცდარი”,- წერს პაპუაშვილი.
