19 წლის ფეხბურთელის გიორგი შაქარაშვილის განზრახ დამამძიმებელ გარემოებებში ჩადენილი მკვლელობის ბრალდებით დაკავებულმა ხუთივე პირმა სასამართლო პროცესი პროტესტის ნიშნად დატოვა.
ერთ-ერთი ბრალდებულის ნიკოლოზ რევაზიშვილის ადვოკატი შოთა კახიძის განცხადებით, ბრალდებულების პროტესტის მიზეზი მოსამართლის უკანონო გადაწყვეტილება გახდა.
ადვოკატის თქმითვე, მოსამართლე გასცდა პროკურატურის მოთხოვნას და იმაზე მეტი მტკიცებულებები ცნო დაუშვებლად, ვიდრე ამას პროკურატურა ითხოვდა.
შეგახსენებთ, რომ 19 ივნისს, დაახლოებით 11:00 საათზე, გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები. 4-დღიანი საძიებო სამუშაოების შედეგად, მყვინთავებმა ფეხბურთელ გიორგი შაქარაშვილის ცხედარი წყალში იპოვეს.
ფეხბურთელის განზრახ დამამძიმებელ გარემოებებში ჩადენილი მკვლელობის საქმეზე 5 პირი: ნიკოლოზ რევაზიშვილი, არჩილ გაგნიძე, ზ.ხ., ა.ქ. და ვახტანგ ჩიქოვანი არიან დაკავებული.
