გიორგი შაქარაშვილის საქმეზე ბრალდებულ არასრულწლოვანს ზ.ხ-ს, რომელიც შიმშილობს კიდევ ორი არასრულწლოვანი ბრალდებული, ლ.შ და ა.ხ შეუერთდა.
დაკავებულები სიცრუის დეტექტორზე დაკითხვას ითხოვენ.
ბრალდებული არასრულწლოვანი ზ.ხ.-ს ადვოკატის გიორგი გელხაურის თქმით, სასამართლოს არ აინტერესებს არასრულწლოვნის ჯანმრთელობის მდგომარეობა.
,,ეს არის სისხლის სამართლის საქმე, სადაც გამოძიების პერიოდში არ იქნა გათვალისწინებული არასრულწლოვნის საუკეთესო ინტერესები, დღეს სასამართლომ მიიღო გადაწყვეტილება, რომ საქმის არსებითი განხილვა ყოველდღიურ რეჟიმში დანიშნოს.
დღეს უკვე მესამე არასრულწლოვანი შეუერთდა შიმშილობას, ეს არის ა.ქ, მაგრამ სასამართლოს არ აინტერესებს არასრულწლოვნის ჯანმრთელობის მდგომარეობა. მივმართავ სახალხო დამცველს და ყველა დაინტერესებულ პირს, რომელიც არის ამ საქმეში ჩართული – მიაქციეთ ყურადღება ამ მართლმსაჯულებას და სასამართლოს, საერთოდ არ ხდება არასრულწლოვნების ინტერესების გათვალისწინება”, – აღნიშნა გიორგი გელხაურმა.
