„დღეს ჩვიდმეტი ბრალდებულია და ამ ჩვიდმეტი ბრალდებულის ბრალი არანაირ კავშირში არ არის შაქარაშვილის გარდაცვალებასთან, ეს არის არასამართლიანი. საზოგადოება ამ ხალხს მოიხსენიებს, როგორც მკვლელებს“, – ამის შესახებ გარდაცვლილი ფეხბურთელის, გიორგი შაქარაშვილის საქმეზე ბრალდებული ერთ-ერთი არასრულწლოვნის ადვოკატმა გიორგი გელხაურმა განაცხადა.
უფლებადამცველი მოითხოვს, რომ ყველა ის პირი მიეცეს პასუხისგებაში ვინც გიორგი შაქარაშვილის საქმესთან დაკავშირებით გამოძიებას არასწორად მიაწოდა ინფორმაცია ან რაიმე სახის ინფორმაცია დაუმალა და გამოძიება ჩიხში შეიყვანა.
„მე ვითხოვ გამოძიება ჩატარდეს ობიექტურად და ყოველმხრივ, რაც კანონში წერია. ვითხოვ ყველა იმ პირის გამოვლენას თუ ვინმემ რაიმე სახის კანონდარღვევა მოახდინა ამ საქმეში, მე ვითხოვ ყველა იმ პირის პასუხისგებაში მიცემას ვინც გამოძიებას არასწორად მიაწოდა ინფორმაცია ან რაიმე სახის ინფორმაცია დაუმალა და გამოძიება ჩიხში შეიყვანა. ის, რომ დღეს ჩვიდმეტი ბრალდებულია და ამ ჩვიდმეტი ბრალდებულის ბრალის არანაირ კავშირში არ არის შაქარაშვილის გარდაცვალებასთან ეს არის არასამართლიანი. საზოგადოება ამ ხალხს მოიხსენიებს, როგორც მკვლელებს.
ამ ჩვიდმეტ დაკავებულში ჩემი დაცვის ქვეშ მყოფიც არის და ის მეორე მხარეს არის ვინც ჩხუბობდა საბურთალოელების მხარის მხრიდან, ანუ ყველაზე ვსაუბრობ. ეს პირები საზოგადოებას შეფასებული ჰყავს, როგორც მკვლელები.
თითქოს ამ პირებმა განაპირობეს შაქარაშვილის მკვლელობა, ეს ხომ სამართლებრივად თუ ჩვენ ამას შევხედავთ ასე არ არის და არანაირ კავშირში არ არის შაქარაშვილის გარდაცვალებასთან სამართლებრივი ბრალის დადგენილებიდან გამომდინარე. დღეს საზოგადოების დიდი ნაწილი, რომელიც ამ პროცესებს ადევნებს თვალს საუბრობს, რომ ესენი არიან მკვლელები“, – განაცხადა გიორგი გელხაურმა.
შეგახსენებთ, რომ 19 წლის ფეხბურთელი 18 ივნისს სწორედ ანა გაბეჩავას დაბადების დღის წვეულებაზე იმყოფებოდა, სადაც ახალგაზრდებს შორის კონფლიქტი მოხდა.
გიორგი შაქარაშვილის დაკარგვის შესახებ ოჯახმა სამართალდამცავ ორგანოებს 19 ივნისს 11:00 საათზე მიმართეს. 4-დღიანი სამძებრო სამუშაოების შემდეგ კი ფეხბურთელი მდინარე არაგვში გარდაცვლილი იპოვეს.
გიორგი შაქარაშვილის გარდაცვალების საქმეზე სამართალდამცველებმა 17 პირი დააკავეს. სასამართლომ ყველა მათგანს აღკვეთი ღონისძიების სახით წინასწარი პატიმრობა შეუფარდა.
