Microsoft-ის დამფუძნებელი, ბილ გეიტსი  არასდროს ერიდება გააკრიტიკოს აშშ-ს მთავრობის საპასუხო რეაქცია კორონავირუსთან ბრძოლაში.  გეიტსი მიიჩნევს, რომ ეპიდემიოლოგიური ვითარება სულ მალე უფრო გაუარესდება.

„შემოდგომა ზაფხულზე უარესი იქნება. ვირუსის შემთხვევები თანდათანობით იმატებს და არ არის გამორიცხული, რომ ვირუსის გადაცემის რისკი გაიზარდოს. სანამ ვირუსთან  ბრძოლაში სხვა მექანიზმები გვექნება, აუცილებელია, რომ მივყვეთ რეკომენდაციებს და ვატაროთ პირბადე“,- განაცხადა გეიტსმა.

აშშ-ში კორონავირუსის 8,150,043 შემთხვევაა დაფიქსირებული. გარდაცვლილია 221,843 ადამიანი.

თეთრი სახლის ინფორმაციით, 26 შტატი ისევ „წითელი ზონა“. 24 შტატი კი „ყვითელ ზონაში“ იმყოფება.