4 ივლისიდან შვედეთი საქართველოს საზღვრებს გაუხსნის. ამის შესახებ Thelocal-ი იუწყება.
საქართველოს გარდა, შვედეთი საზღვრებს კიდევ 13 ქვეყანასთან გახსნის: ალჟირი, ავსტრალია, იაპონია, კანადა, მოროკო, მონტენეგრო, ახალი ზელანდია, რუანდა, სერბეთი, სამხრეთ კორეა, ტაილანდი, ტუნისი, ურუგვაი.
აღნიშნული ქვეყნების მოქალაქეებს შვედეთში შესვლის შემთხვევაში კარანტინის გავლა ან კორონავირუსზე ჩატარებული ტესტის უარყოფითი პასუხის ჩვენების ვალდებულება არ ექნებათ.
საქართველოს საზღვრები გერმანიამ, ლატვიამ, საფრანგეთმაც გაუხსნა. ასევე, ევროკავშირის საბჭომ ოფიციალურად დაასახელა უსაფრთხო ქვეყნების სია, რომელშიც საქართველოც მოხვდა.
